au8ust's profileau8ust's space channelPhotosBlogListsMore Tools Help

Blog


    July 29

    ຂຽນ Blogger

    ຕອນນີ້ກັບໄປຂຽນບລັອກເກີອີກແລ້ວ ຮູ້ສຶກວ່າຈະມີລູກຫລິ້ນຫນ້າສົນໃຈຫລາຍຢ່າງພໍສົມຄວນ ຢາກໃຫ້ທ່ານທີ່ສົນໃຈຂຽນບລັອກ ລອງໄປໃຊ້ Blogger/Blogspot ເບິ່ງ

    ເກືອບລືມບອກໄປວ່າ ບລັອກຂອງເຮົາຢູ່ທີ່ au8ust.blogspot.com
    July 06

    au8ust's community

    ແວະມາບອກວ່າ ຕອນນີ້ເປີດເວບບອຣ໌ດໃຫມ່ແລ້ວ ຢາກໃຫ້ທຸກ ໆ ຄົນໄດ້ໄປທົດລອງໃຊ້ງານກັນທີ່ http://community.au8ust.org/

    ຈົບຂ່າວ.
    February 13

    ໂປຣເຈັກໃຫມ່

    ກະວ່າຊິເຮັດເວັບໃຫມ່ ຊິເຮັດຄອນເຊັບປະມານແບບພວກ ເວັບໃຫ້ຄວາມຮູ້ກ່ຽວກັບການໃຊ້ງານຄອມພິວເຕີ ກໍ່ຈະມີຂໍ້ມູນຕັ້ງແຕ່ພວກ
    • ວິທີໃຊ້ຄອມທົ່ວໄປ
    • ວິທີໃຊ້ Windows
    • ວິທີໃຊ້ Linux
    • ໃຊ້ Mac
    • ໃຊ້ Unix
    • ການແກ້ໄຂປັນຫາຄອມພິວເຕີຕ່າງໆ
    ລວມໄປເຖິງການໃຊ້ງານໂປຣແກຣມຕ່າງໆ ເຊັ່ນ​
    • Photoshop
    • Dreamweaver
    • Premiere
    • Movie Maker
    • Word
    • Excel
    • ແລະອື່ນໆ
    ແລະອາດຈະມີຄໍລັມລາຍງານຂ່າວຕ່າງໆ ອີກເລັກໆ ນ້ອຍໆ ຄິດວ່າ ຫນ້າຈະ Work (ຫລືບໍ່ວະ!!? 55+) ເອົາລ່ະ ເອົາລ່ະ ທຸກໆ ທ່ານມີຄວາມຄິດເຫັນແນວໃດແດ່ ກ່ຽວກັບຄອນເຊັບຂອງເວັບໃຫມ່? ອໍ້... ແລ້ວກໍ່ ຊື່ຍັງຄິດບໍ່ອອກເທື່ອ ທຳອິດວ່າຊິໃສ່ວ່າ mocom.net (ໂມ້ຄອມ.ເນັດ) ແຕ່ວ່າ ມີຄົນໃຊ້ແລ້ວ ເລີຍບໍ່ຮູ້ຊິໃສ່ຊື່ຫຍັງ ອາດຈະໃສ່ເປັນວ່າ ViJaiFuun.com (ວິໄຈຝຸ່ນ.ຄອມ 555+)

    ສະແດງຄວາມຄິດຄວາມເຫັນກັນເຂົ້າມາເດີ້~
    January 17

    ຄວາມກ້າວຫນ້າຂອງເວັບໄຊທ໌ໃນລາວ

    ມື້ນີ້ລົມກັບຕາໂອ້ດ ລົມມັນວ່າຖ້າມັນບໍ່ໄປຢູ່ຊາຍແດນກໍ່ມາຊ່ວຍກັນເຮັດເວັບແມ່ະ ມັນບອກວ່າເຮັດບໍ່ເປັນ -_-" ເວນກຳ ຕານີ້ມາແປກ ມັນກໍ່ເຮັດ os55.tollfreepage.com ຢູ່ຫັ້ນ ຍັງຊິບອກວ່າເຮັດບໍ່ເປັນອີກ ເຖິງເຮັດບໍ່ເປັນກໍ່ຕ້ອງຮຽນເອົາຕົ່ວະ ໃຜມັນຊິເປັນແຕ່ເກີດ ທຸກຄົນກໍ່ຕ້ອງຮຽນຮູ້ເອົາ ບໍ່ຊັ້ນຊິມີໂຮງຮຽນ ຊິຫນັງສື ຊິມີຄູສອນ ໄປເຮັດຫຍັງ

    ຕາໂອ້ດກໍ່ເອີໆ ອໍໆ ໄປຕາມເລື່ອງຕາມລາວ (ສະແດງວ່າບໍ່ຢາກເຮັດ) ເລີຍບອກມັນໄປຫລາຍໆ ຢ່າງ ເຜື່ອຊິປ່ຽນໃຈ 555

    ຄິດເບິ່ງແລ້ວກໍ່ແປກ ປະເທດເຮົາມີອິນເຕີເນັດໃຊ້ກໍ່ນັບເປັນຫົກເຈັດປີມານີ້ແລ້ວ ແຕ່ເວັບໄຊທ໌ຂອງຄົນລາວພັດວ່າມີຫນ້ອຍດຽວ ບໍ່ຮູ້ມັນເປັນແນວໃດ ສ່ວນຫນຶ່ງກໍ່ອາດຈະມາຈາກລາຄາຂອງອິນເຕີເນັດ ທີ່ແພງມະຫາໂຫດສຳຫລັບຄົນທົ່ວໄປ ແລະສ່ວນຫນຶ່ງກໍ່ອາດຈະມາຈາກພື້ນຖານຂອງຄົນລາວເຮົາ ທີ່ບໍ່ໄດ້ມີລາຍໄດຫລາຍພໍທີ່ຈະມາສົນໃຈກັບເລື່ອງພວກນີ້ໄດ້ ອືມ... ກໍ່ຫນ້າຄິດ

    ແຕ່ວ່າ ເຖິງວ່າຊິມີຄົນລາວໃຊ້ຫລາຍ ແລ້ວມັນຊິເປັນແນວໃດ? ປັນຫາຫລາຍໆ ຢ່າງທີ່ມາຈາກການໃຊ້ອິນເຕີເນັດກໍ່ຕາມມາ? ກໍ່ເປັນເລື່ອງເປັນລາວໃຫຍ່ໂຕໄປໃນອະນາຄົດອີກ -_-)

    ຄິດໄປຄິດມາ ມັນກໍ່ມີປະເດັນຫນຶ່ງທີ່ຫນ້າສົນໃຈ ກໍ່ຄື ມັນຈຳເປັນແລ້ວບໍ່ ທີ່ຈະຕ້ອງນຳໃຫ້ທັນໂລກ?